مال مفت، دل بے رحم کا محاورہ سندھ پولیس کی موبائل پر صادق آگیا، کراچی میں جان و مال کے تحفظ اور جرائم پر قابو پانے کیلئے فراہم کردہ پولیس موبائل افسران کی توجہ کی منتظر ہے۔
کراچی میں شہریوں کے جان و مال کے تحفظ اور جرائم کے خاتمے کیلئے فراہم کردہ پولیس موبائل گرد و غبار کی نذر ہوگئی ، پولیس موبائل کے ٹائر پنکچر، سیٹیں اکھڑگئی ہیں، کوئی بھی والی وارث نہیں، کلفٹن تھانے کے باہر پولیس موبائل افسران کی توجہ کی منتظر ہے۔
بات یہیں ختم نہیں ہوتی، دوسری پولیس موبائل بھی کھڑے کھڑے ناکارہ ہونے لگی، دھول مٹی سے اٹی ہوئی موبائل کو گشت کی مد میں ملنے والا ڈیزل بھی افسران کی جیب گرم کرنے لگا۔ پولیس موبائل سیاسی شخصیت کے گھر بھی کافی عرصہ خراب کھڑی رہی ہے۔
