آج انتخابی مہم کا آخری دن ہے ،آج رات بارہ بجے انتخابی مہم ختم ہوجائیگی ،مہم کے آخری روزسیاسی جماعتوں اور امیدواروں نے انتخابی مہم مزید تیز کر دی ہے۔
متحد ہ مجلس عمل ،پاکستان تحریک انصاف ،مسلم لیگ ن، پیپلز پارٹی ،ایم کیو ایم ، سمیت تقریباً تمام ہی پارٹیوں نے انتخابی مہم کے آج آخری روز ریلیاں،جلسے، کارنر میٹنگز کا اہتما م کر رکھا ہے اور اس مہم سے بھروپور فائدہ اٹھانا چاہتے ہیں۔
پاکستان الیکشن کمیشن نے پہلے ہی سینٹرل مانیٹرنگ اینڈکنٹرول روم قائم کردیا ہے جس کی ذمہ داری قوائد کی خلاف ورزی پر فوری طور پرایکشن لینا ہے۔
الیکشن کمیشن پہلے ہی تمام امیدواروں کو ہدایت کرچکا ہے کہ انتخابی سرگرمیاں23اور24جولائی کی درمیانی شب ختم کردی جائیں خلاف ورزی پر ایک لاکھ روپے جرمانہ یا دوسال کی سزا یا دونوں سزائیں بھی دی جا سکتی ہیں۔
