وزیراعظم نواز شریف نے نلتر میں ہیلی کاپٹر حادثے پر افسوس کا اظہار کرتے ہوئے کل ملک بھر میں یوم سوگ کا اعلان کیا ہے ۔
ترجمان وزیراعظم ہاؤس کے مطابق وزیراعظم نواز شریف نلتر ہیلی کاپٹر حادثے پر گہرے دکھ کا اظہار کرتے ہوئے کہا کہ دکھ کی س گھڑی میں ہم تمام سوگوار خاندانوں کے غم میں برابر کے شریک ہیں ۔ ترجمان کے مطابق وزیراعظم نے شہید ہونے والے پائلٹوں کے لواحقین سے تعزیت کا اظہار کیا ہے ۔
ترجمان کے مطابق وزیراعظم نے ہیلی کاپٹر حادثے میں زخمیوں کو فوری قریبی اسپتال پہنچانے کیلیے ہر ممکن اقدامات کرنے کی سختی سے ہدایات کی ہیں ۔ وزیر اعظم نے زخمیوں کو بہترین طبی سہولیات فراہم کرنے کی بھی ہدایات کی ہیں ۔ ترجمان کے مطابق وزیراعظم نے زخمی سفیروں کو فوری اسپتال منتقلی کے لیے جہاز اور ہیلی کاپٹر بھجوانے کا حکم دیا ہے ۔
ترجمان وزیراعظم ہاؤس کے مطابق وزیر اعظم نواز شریف کا ہیلی کاپٹر حادثے پر ملک بھر میں ایک روزہ سوگ کا اعلان کیا ہے ۔ وزیراعظم نے حادثے میں جاں بحق سفیروں اور انکی اہلیہ کی ہلاکت پر دکھ کا اظہار کا اظہار کیا ہے اور سوگوار خاندانوں کے ساتھ تعزیت کی ہے ۔
