اسلام آباد ہائی کورٹ نے سزائے موت کے مجرم شفقت حسین کی پھانسی پر حکم امتناع ختم کرتے ہوئے عدالتی کمیشن بنانے کی درخواست مسترد کردی۔
شفقت حسین نے عمر کے تعین سے متعلق جوڈیشل کمیشن بنانے کے لیے اسلام آباد ہائی کورٹ میں درخواست دائر کی تھی۔
درخواست پر سماعت کرتے ہوئے جسٹس اطہر من اللہ نےفیصلہ ہونے کے تک شفقت حسین کی پھانسی پر عمل درآمد روکنے کے احکامات جاری کیے تھے۔
عدالت نے فریقین کے دلائل سننے کے بعد 3روزقبل درخواست پر فیصلہ محفوظ کیا جو آج سنادیا گیا۔عدالت نے عمر کے تعین کے لیے جوڈیشل کمیشن بنانے کی درخواست مسترد کردی اور پھانسی پر حکم امتناع ختم کردیا۔