پیرس کے جنوبی چڑیا گھر سے چرائے جانے والے 17 نایاب بندروں کی فرانس میں تلاش شروع کردی گئی۔ منگل کو ذرائع ابلاغ کی رپورٹس کے مطابق سات سنہری رنگت اور دس سلور رنگت والے بندر برازیلی حکومت کی ملکیتی تھے جوکہ پریس سے 200 کلومیٹرز دور واقع چڑیا گھر سے چرائے گئے جبکہ فرانسیسی حکام نےبندروں کو لے جانے والے چوروں کو ماہر ترین چور قرار دے دیا جنہوں نے سخت ترین سیکیورٹی، سیکیورٹی کیمروں، گشت پر مامور اہلکاروں کو چکما دے کر کھڑکیوں کے شیشے توڑے اور بندروں کو لے کر چلتے بنے۔
پولیس نے سی سی ٹی وی فوٹیج قبضہ میں لے کر معاملہ کی سنگینی کے باعث بڑے پیمانے پر تحقیقات شروع کردی ہیں جبکہ ان بندروں کی فرانس بھر میں تلاش کا کام شروع کردیا گیا ہے۔ حکام کے مطابق بندر بہت نایاب ترین تھے اور ان کی مخصوص غذا تھی جبکہ ان 17 میں سے ایک بندر کی زخمی دم کا ماہرین حیوانات علاج بھی کر رہے تھے حکام کے مطابق ایک بندر کی بلیک مارکیٹ میں قیمت 10 ہزار یورو تک ہے۔
