ہیکرز نے بھارت کی حکمران جماعت بھارتیہ جنتا پارٹی کی آفیشل ویب سائٹ ہیک کر کے اس پر نریندر مودی کی مضحکہ خیز تصویر لگا دی گئی اور پیغام جاری کیا گیا کہ نریندر مودی نے عوام کو پاگل بنایا ہوا ہے ابھی اور بھی بہت کچھ آنا باقی ہے۔
ویب سائٹ کو ہیکنگ کے بعد بند کر دیا گیا ہے اور ایڈمن کی جانب سے پیغام لکھا گیا ہے کہ تکلیف کے لئے معذرت ، ہم اس وقت مینٹینینس کا کچھ کام کررہے ہیں اور جلد ہی آن لائن ہو جائیں گے ۔
ہیکرز کے کسی گروپ کی جانب سے ابھی تک اس واقعے کی ذمہ داری قبول نہیں کی گئی البتہ بھارتی ٹویٹر صارفین کا کہنا ہے کہ یہ کانگریس کی کارروائی ہے۔ دوسری جانب کانگریس کی سوشل میڈیا ٹیم کے انچارج دیویا نے ٹویٹ کیا کہ بھائیو اور بہنوں اگر آپ ابھی بی جے پی کی ویب سائٹ نہیں دیکھ رہے تو آپ کچھ مس کر رہے ہیں۔
بی جے پی کی جانب سے ابھی تک ہیکنگ کے حوالے سے کوئی وضاحت سامنے نہیں آئی ہے۔
