وزیراعظم عمران خان نے سیلاب سے بری طرح متاثرہ ایران سے اظہارِ ہمددری کرتے ہوئے پیشکش کی ہے کہ ان کی حکومت ہر طرح کی امداد فراہم کرنے کے لیے تیار ہے۔
سماجی روابط کی ویب سائٹ ٹوئٹر پر ٹوئٹ کرتے ہوئے وزیراعظم کا کہنا تھا کہ ’ہم غیر معمولی سیلاب میں گھرے ایرانی عوام کیلئے دعاگو ہیں اور ان کے لیے ضروری امدادی سامان بھجوانے کے لیے تیار ہیں‘۔
یاد رہے کہ ایران میں سیلاب کے باعث اب تک ستر ہزار افراد کی ہلاکت ہو چکی ہے
ایران میں انیس مارچ سے شروع ہونے والی شدید بارشوں کا سلسلہ تاحال جاری ہے جہاں درجنوں گاؤں بہہ چکے، انیس سو شہر قصبے اور دیہات شدید متاثر ہوئے ہیں۔ ہزاروں سڑکیں پُل اورعمارتیں تباہ ہوگئیں، سوسنگرڈ قصبے کے ڈوبنے کا بھی خطرہ پیدا ہوگیا ہے۔
سیلاب کے نتیجے میں آبی اور زرعی ڈھانچے کو اربوں ڈالر کا نقصان ہوچکا ہے
حکام نے اہم ڈیموں سے پانی کے اخراج کا فیصلہ بھی کیا ہے ۔
