پیر کے روز مسجد اقصیٰ کے اصطبل سلیمان سے منسلک گارڈ روم میں اچانک آگ بھڑک اٹھی ۔ مقامی مذہبی تنظیم اسلامک وقف کے فائر بریگیڈ عملے نے موقع پر پہنچ کر آگ پر قابو پالیا۔ واقعے میں کسی قسم کا کوئی نقصان نہیں ہوا ہے۔
سوشل میڈیا پر جاری ہونے والی تصاویر اور ویڈیوز میں دیکھا جاسکتا ہے کہ اصطبل سلیمان کے اوپر دھوئیں کے گہرے بادل اٹھ رہے ہیں ۔ آگ لگنے کی وجہ تاحال معلوم نہیں ہوسکی ۔ مسجد اقصیٰ اور پیرس کے چرچ میں آگ لگنے کا واقعہ ایک ہی وقت میں پیش آیا۔
