کراچی کے مختلف علاقوں میں رینجرز نے ٹارگٹڈ آپریشن کرتے ہوئے ایم کیو ایم کے یونٹ انچارج سمیت 22 کو حراست میں لے لیا ہے ۔
ترجمان سندھ رینجرز کے مطابق رینجرز نے لیاقت آباد سندھی ہوٹل میں ٹارگٹڈ آپریشن کرتے ہوئے ایم کیو ایم کے یونٹ انچارج سمیت 22 افراد کو حراست میں لے لیا ہے ۔ رینجرز نے تفتیش کے لئے حراست میں لئے گئے افراد کو نامعلوم مقام پر منتقل کر دیا ہے ۔ ترجمان کے مطابق رینجرز نے سانحہ صفورہ چورنگی کے بعد ٹارگٹڈ آپریشن تیز کر دیا ہے ۔