غزہ میں 27 نہتے فلسطینیوں کی شہادت کے بعد اسرائیلی حکام اور غزہ کے درمیان جنگ بندی معاہدہ طے پا گیا ہے۔
غیر ملکی خبر ایجنسی کے مطابق حماس اور اسرائیل کے درمیان جنگ بندی میں مصر نے ثالثی کا کردار ادا کیا ۔ فلسطینی اور مصری حکام نے اس کی تصدیق بھی کی تاہم اسرائیل کی جانب سے اب تک کوئی ردعمل سامنے نہیں آیا۔
دوسری جانب غزہ کے مقامی افراد کے مطابق جنگ بندی معاہدے کے بعد بھی اسرائیل جنگی جہاز غزہ کے اوپر پرواز کر رہے ہیں اور خوف و ہراس کی فضا قائم ہے۔
واضح رہے گزشتہ روز غزہ پر اسرائیل کی گولہ باری اور فضائی حملوں میں چار ماہ کے بچے اور حاملہ خاتون سمیت 19 فلسطینی شہید ہوئے اور جمعے سے جاری اسرائیلی حملوں میں شہید فلسطینیوں کی تعداد 27 ہو چکی ہے جبکہ سینکڑوں افراد زخمی ہیں ۔ رہائشی عمارتوں پر بمباری کے باعث سینکڑوں افراد بے گھر بھی ہوگئے ہیں۔
