کرکٹ کے نگراں عالمی ادارے انٹرنیشنل کرکٹ کونسل نے سیکورٹی وجوہات کا بہانہ بناتے ہوئے پاک زمبابوے سیریز کے لیے آفیشلز پاکستان بھیجنے سے انکار کردیا۔
آئی سی سی سے جاری اعلامیہ کے مطابق پاک زمبابوے سیریز میں آئی سی سی کے آفیشلز خدمات سرانجام نہیں دیں گے بلکہ پاکستانی آفیشلز میچ کو سپر وائز کریں گے جب کہ ون ڈے اور ٹی ٹوئنٹی سیریز کو انٹرنیشنل ٹورنامنٹ کا درجہ حاصل ہوگا۔
آئی سی سی نے اپنے آفیشلز پاکستان نہ بھیجنے کا فیصلہ سیکورٹی کنسلٹنٹ کی رپورٹ آنے کے بعد کیا ہے۔