وفاقی تحقیقاتی ادارے ایف آئی اے نے مبینہ طور پر جعلی ڈگریوں کے کاروبار میں مصروف ایگزیٹ کمپنی کے کراچی اور راولپنڈی میں دفاتر پر چھاپا مار کر کمپیوٹر، الیکٹرانک آلات،اہم فائلیں اور دیگر دستاویزات قبضے میں لے لیے جب کہ ملازمین سے بیانات بھی قلمبند کرلیے ہیں۔
وفاقی وزیر داخلہ چودھری نثار کی ہدایت پر ایف آئی اے نے ایگزیٹ کمیٹی کے خلاف چھاپا مار کارروائیوں کا آغاز کردیا ہے۔ ڈائریکٹر ایف آئی اے سندھ شاہد حیات کی سربراہی میں 7رکنی تحقیقاتی کمیٹی نے کام کررہی ہے اور اس کمیٹی کی نگرانی وزیرداخلہ کررہے ہیں۔
ایف آئی اے نے کراچی میں ایگزیٹ کے ہیڈکوارٹر اور روالپنڈی میں سب آفس میں چھاپا مارا اور ریکارڈ قبضے میں لے لیا۔
چھاپہ مار کارروائیوں سے ایگزیٹ کے ملازمین گھبراہٹ کا شکار ہوگئے اور تحقیقاتی ٹیم کے سامنے بیانات قلمبند کرانے سے کراتے رہے تاہم ٹیم نے بعض ملازمین اور گارڈز کے بیانات ریکارڈ کیے ہیں۔
انکوائری ٹیم کی جعل ساز کمپنی کے دستاویزات کی چھان بین کررہی ہے اور شواہد اکھٹے کرنے میں مصروف ہے۔