وزیردفاع خواجہ آصف کا کہنا ہے ایگزیکٹ کے معاملے پر تحقیقات ہو رہی ہیں اگر جعلسازی ثابت ہو گئی تو قانون کے مطابق کارروائی کی جائے گی ۔
وزیردفاع خواجہ آصف نے ایگزیکٹ کے معاملے پر گفتگو کرتے ہوئے کہا ہے کہ ہم قانون کی بالادستی پر یقین رکھتے ہیں ۔ نیویارک ٹائم ایک معتبر اخبار ہے اور اس نے جس کمپنی پر جعلسازی کا الزام لگایا ہے اگر وہ ثابت ہو گیا تو قانون حرکت میں آئےگا اور ذمے داروں کو سزا دی جائے گی ۔
خواجہ آصف کا کہنا تھا ایگزیکٹ کے معاملے پر تحقیقات ہو رہی ہیں ، جن پر الزام ان کو صفائی کو پورا پورا موقع دیا جائےگا ۔ ان کا کہنا تھا میں اپنے طور پر الزامات کی تصدیق یا تردید نہیں کر سکتا ۔ وزیردفاع خواجہ آصف کا کہنا تھا نیویارک ٹائمز ایک معتبر اخبار ہے، قانون کی بالادستی پریقین رکھتے ہیں۔