اسلام آباد: بھارت اپنے ہی بیان سے ایک مرتبہ پھر مکر گیا اور پوری دنیا کو گمراہ کرنے کا اس کا پراپیگنڈہ بے نقاب ہو گیا ۔
بھارتی میڈیا رپورٹس کے مطابق بھارتی فوج نے اپنی حکومت کو کچھ عرصہ قبل رپورٹ دی تھی کہ رواں سال کوئی حملہ نہیں ہواہے اور نہ ہی کوئی فوجی لاپتہ ہوا ہے لیکن اب وہ اس بیان سے مکر رہی ہے اور یہ اس بات کا اعتراف ہے کہ وہ اپنی ہی رپورٹ پر قائم نہیں رہ سکتی۔
دونوں ممالک کےذرائع نے اس بات کی تصدیق کی ہے کہ دونوں ممالک کی افواج کے درمیان کوئی رابطہ بھی نہیں ہواہے ،بھارت دراصل دراندازی کے مردہ گھوڑوں میں دوبارہ جان ڈالنا چاہا رہاہے ۔ پاکستان کی افواج صورتحال پر گہری نظر رکھے ہوئے ہیں اور کسی بھی قسم کی ناخوشگوار صورتحال سے نمٹنے کیلئے ہر دم تیار ہیں ۔
ھارتی حکام امریکی صدر ٹرمپ کی جانب سے مسئلہ کشمیر پر ثالثی کا کردار ادا کرنے کی پیشکش کے بعد بھارت ہٹ دھرمی کے باعث ایسی حرکتیں کر رہاہے اور بوکھلاہٹ کا شکار ہے۔
یاد رہے کہ ڈی جی آئی ایس پی آر نے بیان جاری کرتے ہوئے کہا ہے کہ بھارت گمراہ کن پراپیگنڈہ کر کے عالمی برادری کی توجہ بھی ہٹانا چاہتا ہے، بھارت ایل او سی پر کارروائی کا صرف جھوٹا پروپیگنڈہ کر رہا ہے۔
