قومی ٹی ٹوئنٹی ٹیم کے کپتان شاہد خان آفریدی نے دورہ پاکستان پر زمبابوے ٹیم کی ہمت اور حوصلے کی تعریف کرتے ہوئے کہا ہے کہ مہمان ٹیم کے آمد سے پاکستان میں انٹرنیشنل کرکٹ پھر سے بحال ہوگئی جس پر بے حد خوشی ہے۔
غیر ملکی میڈیا کو انٹرویو دیتے ہوئے شاہد آفریدی نے کہا کہ مشکل حالات کے باوجود زمبابوے ٹیم کا پاکستان آنا بڑے حوصلے اور ہمت کی بات ہے، زمبابوے ٹیم کی جرات قابل تعریف ہے۔
انہوں نے کہا کہ زمبابوے ٹیم نے پاکستان آکر کرکٹ کے شائقین کو خوش کردیا ہےاور میرے لیے یہ خوشی کا لمحہ ہے کہ 6سال بعد ملک میں انٹرنیشنل کرکٹ لوٹ آئی ہے۔
دوسری جانب ون ڈے ٹٰم کے کپتان اظہر علی کا کہنا ہے کہ زمبابوےٹیم کے خلاف کھیل کر نوجوان کھلاڑیوں کو خوابوں کی تعبیر ملے گی جنہوں نے اب تک ہوم گراؤنڈ پر کسی بین الاقوامی ٹیسٹ ٹیم کے ساتھ میچ نہیں کھیلا۔
