کویت میں مسلم ممالک کی تنظیم او آئی سی کے رکن ممالک کے وزرائے خارجہ کا اجلاس رواں ماہ کی 27 تاریخ کو ہوگا۔ ذرائع ابلاغ کے مطابق مسلم ممالک کی تنظیم او آئی سی کا اجلاس 27 مئی کو کویت میں ہوگا جس میں یمن، شام ‘ فلسطین اور لیبیا کی صورتحال پر بات چیت کی جائے گی۔ دو روزہ 42 ویں اجلاس میں میانمر میں روہینگیا مسلمانوں کو درپیش مسائل کا بھی جائزہ لیا جائے گا۔
اس موقع پر تنظیم کے خصوصی رابطہ گروپوں کے اجلاس کا انعقاد بھی ہوگا جس میں عالمی اور صومالیہ سمیت دیگر افریقی ممالک کے حوالے سے امن و امان سمیت دیگر اہم امور پر بھی بات چیت کی جائے گی۔ اجلاس میں دہشت گردی اور انتہا پسندی کے موضوع بھی زیر غور لائے جائیں گے۔
