سعودی عرب کے مشرقی صبوے قطیف کی مسجد میں نماز جمعہ کی ادائیگی کے دوران خودکش حملے میں کم از کم 40 افراد جاں بحق جب کہ متعدد زخمی ہوگئے ہیں۔
سعودی حکام کے مطابق زخمیوں میں بعض کی حالت تشویشناک ہے اور مرنے والوں کی تعداد میں اضافے کا خدشہ ہے۔
غیر ملکی میڈیا ڈیلی میل کے مطابق خودکش حملہ صوبہ قطیف کی امام علی مسجد میں اس وقت ہوا جب نمازی نماز جمعہ کی ادائیگی میں مصروف تھے۔
ڈیلی میل نے عینی شاہد کے حوالے سے بتایا ہے کہ مسجد میں 150کے قریب نمازی موجود تھے ۔خودکش حملے کے نتیجے میں کئی افراد موقع پر ہی دم توڑ گئے جب کہ متعدد زخمی ہیں ۔
دوسری جانب سعودی وزارت داخلہ نے خودکش دھماکے کی تصدیق کرتے ہوئے جانی نقصان کا خدشہ ظاہر کیا ہے۔