پی سی بی کے چیف آپریٹنگ آفیسر سبحان احمد کا کہنا ہے پاک زمبابوے سیریز کے کامیاب انعقاد سے غیر ملکی ٹیموں کو پاکستان میں لانے کے لئے پی سی بی کا کیس مزید مضبوط ہو گا ۔
قذافی اسٹیڈیم میں میڈیا سے بات چیت کرتے ہوئے پاکستان کرکٹ بورڈ کے چیف آپرینٹنگ آفیسر سبحان احمد کا کہنا تھا پہلے میچ کے کامیاب انعقاد سے دنیائے کرکٹ کو پاکستان کے حوالے سے مثبت پیغام گیا ہے ۔ ان کا کہنا تھا جن غیر ملکی ٹیموں کو دورے کی دعوت دی گئی تھی سیریز کے بعد دوبارہ ان سے رابطہ کیا جائے گا ۔
سبحان احمد کا کہنا تھا پہلے میچ کے دوران شائقین کو پانی اور کھانے کے حوالے سے جس دشواری کا سامنا کرنا پڑا انشاءاللہ دوسرے میچ میں بہتر انتظامات کئے جائیں گے جس سے شائقین کو شکایت کا موقع نہیں ملے گا ۔ انہوں نے امید ظاہر کی کہ ٹی ٹوئنٹی کے بعد ون ڈے میچز میں اچھی کرکٹ دیکھنے کو ملے گی ۔