کراچی کے علاقے شہید ملت روڈ پر گاڑی پر فائرنگ سے لیڈی ڈاکٹر شدید زخمی ہو گئی ۔
تفصیلات کے مطابق کراچی کے علاقے شہید ملت پر دو نامعلوم موٹر سائیکل سواروں کی کار پر فائرنگ سے جناح میڈیکل ڈینٹل کالج کی لیڈی ڈاکٹر شدید زخمی ہو گئی ہے ۔ فیروز آباد پولیس کے مطابق زخمی ہونے والی لیڈی ڈیبرالوبو ہے اور اس کا تعلق امریکہ سے ہے ۔ پولیس کا کہنا ہے کہ گولی لیڈی ڈاکٹر کے سر میں لگی ہے ۔ عینی شاہدین کے مطابق موٹر سائیکل سواروں نے گاڑی پر دونوں اطراف سے فائرنگ کی ۔ فائرنگ کے بعد ملزمان آسانی سے فرار ہونے میں کامیاب ہو گئے ۔ ریسکیو ٹیم نے زخمی خاتون کو اسپتال منتقل کر دیا ہے ۔ جہاں اس کو طبی امداد دی جارہی ہے ۔
