کینیڈا بھارت کو اگلے پانچ سالوں کے دوان 28 کروڑ ڈالرز کا یورینیم فراہم کرے گا۔
اوٹاوا: کینیڈا اور بھارت کے درمیان یورینیم فراہم کرنے معاہدہ ہو گیا ۔ معاہدے کے مطابق کینیڈا بھارت کو اگلے پانچ سالوں کے دوران 28 کروڑ ڈالرز کا یورینیم فراہم کرے گا ۔ کینیڈا کے دارالحکومت اوٹاوا میں ہونے والے معاہدے پر بھارتی وزیراعظم نریندر مودی اور کینیڈین وزیراعظم اسٹیفن ہارپر نے دستخط کیئے ۔ معاہدے کے مطابق یورینیم ایٹمی ری ایکٹرز کے لئے دیا جا رہا ہے ۔ دستخط کی تقریب کے موقع پر بات چیت کرتے ہوئے نریندر مودی کا کہنا تھا اس معاہدے سے بھارت اور کینیڈا کے درمیان نئے تعلقات کا آغاز ہوا ہے ۔
