ساؤتھ ایشیئن گیمز میں نیا ریکارڈ بنانے پر ارشد ندیم کو خراج تحسین کیلیے قرار داد جمع

لاہور (جسارت نیوز)چیئر پرسن اسٹیڈنگ کمیٹی فار چیف منسٹر انسپیکشن ٹیم و رکن پنجاب اسمبلی مومنہ وحید نے قرارداد پنجاب اسمبلی میں جمع کروا دی جس میں کہا گیا ہے کہ پنجاب اسمبلی کایہ ایوان ساؤتھ ایشیئن (سیف) گیمز 2019 ء میں جیولین تھرو میں نیا ریکارڈقائم کرنے والے ارشد ندیم کو زبر دست خراج تحسین پیش کرتاہے ، ارشد ندیم نے 86.29 میٹر دور نیزہ پھینک کر نیپال کے دارالحکومت کھٹمنڈو میں ہونے والے سیف گیمز میں گولڈ میڈل حاصل کیا اورپاکستان کا نام بلند کیا۔
، یہ ایوان سمجھتا ہے کہ ایسے باصلاحیت کھلاڑیوں کی حوصلہ افزائی کی جائے تاکہ وہ دنیا میں ملک کانام روشن کرسکیں۔