سال نو کے آغاز پر قومی ایئر لائن سمیت نجی ایئر لائنز نے کرایوں میں اضافہ کرکے مہنگائی سے تنگ عوام کی مشکلات میں مزید اضافہ کر دیا۔
تفصیلات کے مطابق پی آئی اے ترجمان کی جانب سے کہا گیا ہے کہ پہلے بکنگ کروانے پر سستی ٹکٹ ہو گی جبکہ سیٹوں کی تعداد کم ہونے پر مہنگا ٹکٹ ہوگا۔
پی آئی اے کا نارمل کرایہ پہلے بکنگ کروانے پر 15 ہزار سے شروع ہو کر 24 ہزار تک اور پرواز کی اڑان سے چند گھنٹے قبل 35 سے 36 ہزار تک ہو جاتا ہے۔
نجی ایئر لائن (سیرین ایئر) نے بھی 36 ہزار روپے سے زائد یکطرفہ کرایہ وصول کر رہی ہے۔
دوسری جانب عوام نے کہا ہے کہ حکومت کرائے میں اضافے کا فوری نوٹس لے اور کرایوں کو کم کروایا جائے۔
