ڈسکہ میں مشتعل مظاہرین نے اے سی ڈسکہ کے گھر کو آگ لگا جبکہ دوسری جانب مظاہرین نے ڈسکہ تھانے پر پتھراؤ بھی کیا ہے ۔
ڈسکہ میں پولیس کے ہاتھوں دو وکلاء کے قتل کے بعد پنجاب کے مختلف شہروں میں وکلاء کی جانب سے شدید احتجاج دیکھنے میں آ رہا ہے ۔ جبکہ ڈسکہ میں مشتعل مظاہرین اسسٹنٹ کمشنر ذوالفقار بون کے گھر کو آگ لگا دی ہے ۔ پولیس کے مطابق ذوالفقار بون اور ان کی فیملی پہلے ہی گھر خالی کر چکی تھی ۔ مشتعل مظاہرین نے ڈسکہ تھانے پر بھی پتھراؤ کیا ہے ۔ عینی شاہدین کے مطابق ڈسکہ تھانے کا علاقہ میدان جنگ کا منظر پیش کر رہا ہے ۔ واضح رہے کہ اس سے پہلے مظاہرین نے ڈی ایس پی کے آفس کو بھی آگ لگا دی تھی ۔