وزیراعلیٰ پنجاب نے ڈسکہ میں فائرنگ سے دو وکلاء کے جاں بحق ہونے کے واقعے کا نوٹس لیتے ہوئے واقعے کی عدالتی تحقیقات کا حکم دے دیا ہے ۔
وزیراعلیٰ پنجاب میاں شہباز شریف کا کہنا ہے ڈسکہ واقعے کی غیر جانبدارانہ تحقیقات کرائی جائیں گی ۔ ذمےداران کو قانون کے مطابق سزا دی جائے گی ۔ ان کا کہنا تھا وکلا پر براہ راست فائرنگ کا کوئی جواز نہیں بنتا۔
وزیراعلیٰ پنجاب نے ڈسکہ میں پیش آنیوالے افسوسناک واقعے کی شدید مذمت کرتے ہوئے کہا ہے کہ سستے اور فوری انصاف کی فراہمی کیلیے وکلا برادری کا کلیدی کردار ہے ۔ وکلا برادری نے آزاد عدلیہ کی بحالی اور جمہوریت کیلیے بےمثال قربانیاں دیں ہیں۔ ان اک کہنا تھا کچہری اور تھانہ کلچر میں بہت زیادہ بہتری کی ضرورت ہے۔
شہباز شریف نے کامونکی میں فائرنگ سے زخمی ہونے والے وکیل کی رپورٹ بھی آر پی او گوجرانوالہ طلب کر لی ہے ۔ ان کا کہنا تھا زخمی وکیل کو علاج معالجے کی ہر ممکن سہولتیں فراہم کی جائیں۔ شہباز شریف نے ہدایت کی کہ ملزمان کو گرفتار کر کے قانون کیمطابق کارروائی عمل میں لائی جائے، انصاف کے تمام تقاضے پورے کیے جائیں گے۔
