مالی سال 2015-16ء کے دوران مصالحہ جات کی ملکی برآمدات میں 15 فیصد سے زائد کا اضافہ ہوا ہے۔
ادارہ برائے شماریات کے اعدادوشمار کے مطابق مصالحہ جات کی قومی برآمدات کا حجم 76.16 ملین ڈالر تک بڑھ گیا جبکہ گذشتہ مالی سال 2014-15 ء کے دوران 66.216 ملین ڈالر کی برآمدات کی گئی تھیں۔ رپورٹ کے مطابق مقدار کے لحاظ سے بھی مصالحہ جات کی ملکی برآمدات میں 8.29 فیصد کا اضافہ ریکارڈ کیا گیا ہے جس سے قیمتی زرمبادلہ کے حصول میں مدد حاصل ہوئی ہے۔
