لاڑکانہ کے علاقے میرو خان چوک پر آج صبح رینجرز کی گاڑی پر ہونے والے دستی بم حملے میں زخمی اہلکار دوران علاج دم توڑ گیا جبکہ ایک اور اہلکار کی حالت تشویشناک ہے جسے طبی امداد دی جارہی ہے ۔
میڈیکل سپرینڈنٹ چانڈکا میڈیکل اسپتال جاوید شیخ کے مطابق دستی بم حملے کے نتیجے میں چار رینجرز اہلکاروں سمیت 14 زخمیوں کو امدادی ٹیموں نے ہسپتال منتقل کیا ۔
بم دھماکے میں رینجرز کے دو اہلکار شدید زخمی ہوئے تھے، سپاہی شاہد دوران علاج زخموں کی تاب نہ لاکر دم توڑ گیا جبکہ اہلکار راشد کی حالت تشویشناک ہے ڈاکٹر کی ٹیم اس کی جان بچانے کی کوششوں میں مصروف ہے ۔
