حیدرآباد،بھائی کی گمشدگی کیخلاف گھروالوں کا احتجاج

حیدرآباد(اسٹاف رپورٹر)قاسم آباد کے گوٹھ کرن خان شورو کے رہائشی معشوق علی ناریجو نے اپنے بھائی کی گمشدگی کیخلاف حیدرآباد پریس کلب کے سامنے احتجاج کیا۔ اس موقع پر خطاب کرتے ہوئے انہوں نے کہاکہ ان کے بھائی عرفان علی ناریجو کو 4نومبر2019ء کو موٹر سائیکل پر سوار اہلکاروں نے گرفتار کیا اورا سے سی آئی اے سینٹر لے گئے جہاں سے اسے غائب کردیا گیا ہے ۔ عرفان علی ناریجو کا کسی جرائم پیشہ گروہ یا کرائم کی سرگرمیوں سے کوئی تعلق نہیں ہے اور نہ ہی اس کیخلاف کوئی کیس درج ہے، اسے عدالت میں پیش کیا جائے۔ انہوں نے کہاکہ ہمیں نامعلوم شخص نے فون کرکے بتایا کہ ہمارا بھائی سی آئی اے پولیس کے پاس موجود ہے ۔ انہوں نے آئی جی سندھ ، ڈی آئی جی اور دیگر اعلیٰ حکام سے اپیل کی کہ ہمارے بھائی عرفان علی ناریجو کو فوری طورپر بازیاب کرواکر ہمیں انصاف دلایا جائے۔