امریکا میں رپبلکن پارٹی کے صدارتی امیدوار ڈونلڈ ٹرمپ نے ڈیموکریٹ پارٹی کی امیدوار اور اپنی حریف ہلیری کلنٹن کو شیطان قرار دیا ہے۔
غیر ملکی نشریاتی ادارے کے مطابق ریاست پینسلوینیا میں کے ایک ہائی اسکول میں ریلی سے خطاب کرتے ہوئے انھوں نے ڈیموکریٹک پارٹی کے صدارتی امیدوار کے مقابلے میں ہلیری کلنٹن سے شکست کھانے والے برنی سینڈرز کو بھی تنقید کا نشانہ بنایا۔
ٹرمپ نے کہا کہ سینڈرزنے شیطان کے ساتھ سودا کیا۔ ہلیری کلنٹن شیطان ہیں۔واضح رہے کہ امریکا میں ڈیموکریٹس اور رپبلکن رہنماؤں کی جانب سے ایک مسلم فوجی کی والدہ کے بارے میں ڈونلڈ ٹرمپ کے بیان پر مذمت کا سلسلہ جاری ہے۔سابق رپبلکن امیدوار جان مکین نے بھی اس معاملے پر ٹرمپ پر تنقید کی ہے۔
