بھولاری کے قریب ٹرین میں خوفناک آتشزدگی، 2 افراد جھلس گئے

حیدرآباد (نمائندہ جسارت) بھولاری اسٹیشن کے قریب شاہ حسین ایکسپریس میں خوفناک آتشزدگی، 2 افراد زخمی، عملے نے فوری طور پر متاثرہ بوگیوں کو الگ کرکے بڑے حادثے سے بچالیا۔ لاہور سے کراچی آنے والی شاہ حسین ایکسپریس میں بھولاری اسٹیشن کے قریب آگ بھڑک اٹھی جس کے باعث 2 مسافر جھلس کر زخمی ہوگئے تاہم عملے نے حاضر دماغی کا مظاہرہ کرتے ہوئے فوری طور پر 2 متاثرہ بوگیوں کو الگ کردیا جس کے باعث کوئی بڑا سانحہ رونما نہیں ہوا۔ زخمیوں کو اسپتال منتقل کردیا گیا ہے۔