ڈی آئی جی ٹریفک امیر شیخ نے کراچی میں موٹر سائیکل چلانے اور اس پر سفر کرنے والوں کے لئے ہیلمٹ پہننا لازمی قرار دے دیا ۔
ڈی آئی جی ٹریفک امیر شیخ کا کہنا ہے کہ یکم جون سے کراچی میں موٹر سائیکل سواروں کے لیے ہیلمٹ پہننا ہوگا۔ ان کا کہنا تھا کہ ہیلمٹ کے بغیر چلانے والے موٹر سائیکل سواروں کے خلاف یکم جون سے کارروائی ہوگی اور ساتھ میں ان لوگوں کو بھی ہیلمٹ پہننا ضروری ہوگا جو اس پر سفرکررہے ہوں گے جن میں خواتین بھی شامل ہیں۔ موٹر سائیکل پر سفرکرنے اور چلانے والوں کو لازمی ہیلمٹ پہننے کا پابند موٹر سائیکل سیفٹی آرڈیننس کے تحت کیا گیا ہے۔
