کراچی
کابینہ کی اقتصادی رابطہ کمیٹی کی جانب سے پیاز کی برآمد پر پابندی عائد کئے جانے کے بعد وزارت تجارت نے پیاز کی برآمد پر پابندی کا نوٹیفکیشن جاری کردیا ہے
جاری کئے گئے نوٹیفکیشن کے مطابق پیاز کی برآمد پر پابندی پر فوری عملدرآمد کیا جائے گا۔واضح رہے کہ آل پاکستان فروڑ اینڈ ویجی ٹیبل امپورٹرز، ایکسپورٹرز اینڈ مرچنٹ ایسوسی ایشن کے سرپرست اعلیٰ وحید احمد نے مشیر تجارت عبدالرزاق داﺅد کو لکھے گئے اپنے خط میں پیاز کی برآمد پر عائد پابندی فوری ختم کرنے کا مطالبہ کیا تھا اور کہا تھا کہ پیاز کے کنٹینرز کلیئر نہ ہوئے تو 30 لاکھ ڈالر سے زائد کا خسارہ ہوگا۔
