اپوزیشن لیڈر خورشید شاہ کا کہنا ہے کہ وزیراعظم نے اقتصادی راہداری پر اپوزیشن کے موقف کی حمایت کی یقین دہانی کرائی ہے۔
میڈیا سے گفتگو کرتے ہوئے قومی اسملبی میں اپوزیشن لیڈر خورشید شاہ کا کہنا تھا اقتصادی راہداری کے معاملے پر محمود اچکزئی بھی اپوزیشن کے موقف کے حامی ہیں۔ ان کا کہنا تھا اپوزیشن کے تحفظات کے حوالے سے آصف زرداری، مولانا فضل الرحمان، اسفند یار ولی، سراج الحق کل حکومتی ٹیم سے بات کرینگے۔ خورشید شاہ کا کہنا تھا ایک عرصے بعد تمام اپوزیشن جماعتیں اہم مسئلے پر اکٹھی ہو چکی ہیں۔