لیبر ایم پی یاسمین قریشی نے برطانوی وزیر داخلہ کو خط لکھا ہے کہ برطانوی پولیس ایم کیو ایم کے بانی کے خلاف کارروائی کیوں نہیں کر رہی؟
یاسمین قریشی نے لکھا ہے کہ ہوم سیکریٹری پولیس سے پوچھیں کہ انہوں نے اب تک ان تقاریر کی تحقیقات کیوں نہیں کیں؟ خط کے متن میں کہا گیا ہے کہ ایم کیو ایم کے بانی نے 7اشتعال انگیز تقریریں کیں، ایم کیو ایم کے ورکرز کو تشدد پر اکسایا، قائد ایم کیو ایم نے اپنی تقاریر میں ڈی جی رینجرز کو دھمکیاں دیں، ایسی تقاریر برطانوی قوانین کی خلاف ورزی ہیں۔
