کورونا سے صحت یاب ہونے والی خاتون کے استقبال کی وڈیو وائرل

اسپین میں کوروناوائرس سے صحت یاب ہونے والی خاتون کا ان کے اہل خانہ اور پڑسیوں کی جانب سے منفرد استقبال کیا گیا۔

وائرل وڈیو میں دیکھا جا سکتا ہے کہ کوروناوائرس سے صحت یاب ہونے والی خاتون کے ایمبولنس سے اترنے پر ان کے اہل خانہ اور پڑسیوں کی جانب سے گھروں کی کھڑکیوں سے تالیاں اور گانے گا کر ان کا استقبال کیا گیا ہے۔

واضح رہے کہ چین سے پھیلانے والے کوروناوائرس نے اسپین میں تباہی مچا رکھی ہے۔ اب تک اسپین میں 14 ہزار سے زائد افراد اس وائرس سے ہلاک ہوچکے ہیں جبکہ مریضوں کی تعداد میں اضافے کا سلسلہ جاری ہے۔