بھیرہ کے قریب موٹر وے پر بس اور ٹرالر کے تصادم میں 5 مسافر جاں بحق اور 10 زخمی ہوگئے۔
پولیس کے مطابق بھیرہ کے قریب موٹر وے پر بس اور ٹرالر کے تصادم میں 5 مسافر جاں بحق اور 10 زخمی ہوگئے۔ مسافر بس پشاور سے لاہور جا رہی تھی کہ بھیرہ کے قریب موٹر وے پر سامنے سے آنے والے ٹرالر سے ٹکرا گئی ۔
پولیس کے مطابق حادثے کے نتیجے میں بس میں سوار 5 مسافر زخموں کی تاب نہ لاتے ہوئے دم توڑ گئے جبکہ 10 دیگر زخمیوں کو مقامی ہسپتال میں داخل کرا دیا گیا ہے جہاں ان کا علاج جاری ہے۔
