سعودی فورسز نے یمن کی سرحد کے ساتھ واقع جیزان نامی شہر میں 40 حوثی جنگجوؤں کو ہلاک کرکے در اندازی کی کوشش ناکام بنادی ۔
اتوار کو سعودی ذرائع ابلاغ کی رپورٹس کے مطابق سعودی فورسز نے حملہ کے دوران حوثی جنگجوؤں کی گاڑیاں اور ٹینک بھی تباہ کردئیے ۔ سعودی عرب میں عربوں کی اتحادی فورسز نے سعودی سرحدی شہروں میں متعدد بار حوثی جنگجوؤں کے خلاف راکٹ حملے کئے ہیں تاہم کویت میں یمنی سیاسی گروپوں کے مذکرات کی ناکامی کے بعد جنگ ختم ہونے کے کوئی آثار دکھائی نہیں دیتے۔
