پاکستان ریلوے نے اندون ملک جانے والے افراد کے لئے عید الاضحیٰ کے موقع پر 8 خصوصی ٹرینیں چلانے کا اعلان کردیا۔
پاکستان ریلوے کی جانب سے جاری اعلامیہ کے مطابق عید الاضحیٰ کے موقع پر 8 خصوصی ٹرینیں اندون ملک جانے والے شہریوں کے لئے چلائی جائیں گی۔ خصوصی ٹرینیں یکم تا 8ستمبر چلائی جائیں گی جبکہ ٹرینیں کراچی ،لاہور،کوئٹہ ،پشاور ،ملتان ،سکھر اور راولپنڈی سے چلائی جائیں گی۔
واضح رہے 13 ستمبر کے روز ملک بھر میں عیدالاضحٰی مذہبی جوش و جذبے سے منائی جائے گی۔ عید منانے کے لئے دوسرے شہروں سے آئے لوگوں کی ایک بڑی تعداد اپنے مقامی علاقوں کا رخ کرتی ہے جس کے لئے ٹرینوں اور بسوں میں آمدو رفت میں غیر معمولی اضافہ ہوجاتا ہے۔
