کراچی کے علاقے ڈیفنس خیابان شہباز میں نامعلوم ملزمان کی فائرنگ سے دو پولیس اہلکار جاں بحق ہو گئے ۔
ایس ایس پی ساوتھ کا کہنا ہے کہ فائرنگ سے جاں بحق ہونے والے دونوں پولیس اہلکار ڈاکٹر عزیز کے گن مین تھے ۔ ایس ایس پی ساؤتھ کا کہنا ہے کہ بظاہر لگتا ہے کہ فائرنگ ذاتی دشمنی کا شاخسانہ ہے ۔ جاں بحق اہلکاروں کی لاشوں کو جناح اسپتال میں منتقل کر دیا گیا ہے ۔ جاں بحق ہونے والے اہلکاروں کی شناخت ماجد اور اشتیاق کے ناموں سے ہوئی ہے ۔
