پاکستان کرکٹ بورڈ کے سابق چیئرمین اور نامور تجزیہ کار نجم سیٹھی نے آئی سی سی کی صدارت سے دستبردار ہونے کا اعلان کردیا۔
پی سی بی کی ایگزیکٹو کمیٹی کے ممبرنجم سیٹھی کو کرکٹ کے نگراں عالمی ادارے انٹرنیشنل کرکٹ کونسل کی صدارت کے لیے نامزد کیا گیا تھا اور انہوں نے یکم جولائی سے آئی سی سی صدر کے عہدے کا چارج سنبھالنا تھا۔
سماجی رابطے کی ویب سائٹ ٹوئٹر پر اپنے مختصر پیغام میں انہوں نے آئی سی سی کی صدارت سے دستبردار ہونے کا اعلان کیا۔
پیغام میں انہوں نے لکھا کہ “میں نے فیصلہ کیا ہے کہ میں آئی سی سی کی صدارت سےدستبردار ہوجاؤں، پی سی بی سے میری درخواست ہے کہ وہ کسی نامور سابق ٹیسٹ کرکٹر کو اس عہدے کے لیے نامزد کردے”۔
واضح رہے کہ نجم سیٹھی آئی سی سی کے آخری نان کرکٹرصدر ہوتے کیونکہ نئے قوانین کے تحت آئی سی سی کی صدارت کے لیے سابق کرکٹر
ہونے کی شرط رکھی گئی تھی۔
I have decided to step aside from ICC Presidency. I request PCB to nominate a great ex Test Cricketer for this position in spirit of game.
— Najam Sethi (@najamsethi) June 1, 2015
