میرپور خاص، مسافر بس الٹنے سے خواتین اور بچوں سمیت 18 افراد زخمی

میرپور خاص (نمائندہ جسارت) تقریب میں شرکت کر کے واپس آنے والوں کی بس الٹ گئی، خواتین اور بچوں سمیت 18 افراد زخمی ہوگئے، ڈرائیور بس چلاتے ہوئے سوگیا تھا۔ ویسٹ جمڑائو اولڈ میرپور تھانے کی حدود میں حیدر آباد سے میرپور خاص آنے والی مسافر بس پولیس چیک پوسٹ کے قریب الٹ گئی، جس کے نتیجے میں بس میں سوار 18افراد زخمی ہوگئے، جنہیں فوری طور پر سول اسپتال منتقل کیا گیا، جہاں انہیں طبی امداد دی گئی۔ پولیس ذرائع کے مطابق بس کے ڈرائیور پر نیند کا غلبہ طاری تھا جس کی وجہ سے بس بے قابو ہو کر الٹ گئی۔