واشنگٹن: امریکی صدر ڈونلڈ ٹرمپ اور اہلیہ میلانیا ٹرمپ کے بعد وائٹ ہاؤس کے عملے میں کورونا کیسز کی تعداد میں مسلسل اضافہ ہونے لگا۔
امریکی صدر ٹرمپ اور وائٹ ہاؤس کی پریس سیکریٹری کیلی مک انینی کا کورونا ٹیسٹ مثبت آنے پر اس خدشے کا اظہار کیا جارہا ہے کہ وائٹ ہاؤس کے متعدد دوسرے اعلیٰ عہدے دار بھی اس مہلک وائرس کا شکار ہوسکتے ہیں۔
اس سے قبل گزشتہ دنوں امریکی صدر ٹرمپ اور ان کی اہلیہ کورونا وائرس کا شکار ہوئے تھےجنہیں طبی امداد کیلیے فوجی اسپتال منتقل کیا گیا تھا۔
دوسری جانب کیلی مک انینی نے اپنے ٹوئٹر بیان میں کہا ہے کہ ان میں کووِڈ-19 کی کوئی علامات ظاہر نہیں ہوئی ہیں۔
