انتہائی مطلوب دہشت گردوں اور ملزمان کی فہرست جاری

اسلام آباد(آن لائن )ایف آئی اے کے انسداد دہشت گردی ونگ نے انتہائی مطلوب دہشت گردوں اور ملزمان کی تفصیلات جاری کردی ہیں، فہرست میں ایک ہزار 210 انتہائی مطلوب دہشت گردوں کی تفصیل شامل ہے۔ انتہائی مطلوب ملزمان میں737 کا تعلق پختونخوا، 161کا بلوچستان ، 122 کا پنجاب، 100 کا سندھ ، 30 کا گلگت بلتستان جبکہ 32 کا تعلق اسلام آباد سے ہے۔انتہائی مطلوب ملزمان کی فہرست میں (ن) لیگ لندن کے رہنما ناصرمحمود بٹ، اشتعال انگیز تقاریر کیس میںپانی ایم کیو ایم اور محمد انور، یوسف رضا گیلانی کے بیٹے علی حیدر گیلانی کے اغوا میں ملوث ملزمان اور ممبئی حملہ کیس میں نامزد ملزمان سمیت پرویزمشرف،شوکت عزیز اور شجاع خانزادہ پر خودکش حملوں کے ملزمان بھی شامل ہیں۔