مریم نے فوج سے مطالبہ کرکے اپنے بیان کی نفی کردی،شیخ رشید

اسلام آباد(صباح نیوز)مسلم لیگ(ن) کی نائب صدر مریم نواز کے انٹرویو پر ردعمل میں شیخ رشید نے کہاکہ مریم نواز نے اپنے بیان کی نفی کی ہے،وہ کہتی تھیں فوج کو سیاست میں مداخلت نہیں کرنی چاہیے،اب ان سے کہہ رہی ہیں عمران خان کو ہٹا واور مجھے لاؤ،آرمی چیف نے کہہ دیا فوج حکومت کے ساتھ ہے۔انہوں نے کہا کہ یہ لوگ جی ایچ کیو کے گیٹ نمبر4کی پیداوار ہیں،20فروری تک پارٹی ان کے ساتھ نہیں رہے گی ۔گلگت بلتستان میں پی ٹی آئی11،پیپلزپارٹی 6سے7سیٹیں لے گی۔ مریم نواز کے انٹرویوپر رد عمل دیتے ہوئے وفاقی وزیر برائے سائنس اینڈ ٹیکنالوجی فواد چودھری نے کہا ہے کہ ابھی تو مریم کو پتا نہیں چل رہا ان کا مطالبہ کیا ہے، اپنے قد سے بڑی لڑائی لے لی ہے اب گرگئے ہیں ، اسی لیے محمد زبیر اور شاہد خاقان عباسی بعد میں پاؤں پڑ جاتے ہیں۔ شہباز گل نے مریم نواز کے انٹر یو پر کہا کہ ان سانپوں کو جنہوں نے دودھ پلایا وہ انہیں اب نہیں پلائیں گے۔