ملک میں چینی کی قیمت 115روپے فی کلو تک پہنچ گئی

اسلام آباد (آن لائن) ملک میں چینی کی قیمت 115روپے فی کلو تک پہنچ گئی۔ ادارہ شماریات کے مطابق پشاور کے شہری سب سے زیادہ مہنگی چینی خریدنے پر مجبور ہیں، حکومتی اقدامات بے سود ہونے لگے، ملک بھر میں چینی کی قیمت میں مسلسل اضافہ جاری ہے۔ پشاور میں چینی کی قیمت 115روپے فی کلو اور کوئٹہ میں 111روپے ہے۔ راولپنڈی، اسلام آباد، کراچی، سیالکوٹ اور گوجرانولا میں چینی110 روپے فی کلو جبکہ لاہور سرگودھا، ملتان، بہاولپور اور حیدرآباد میں105 روپے تک فروخت ہو رہی ہے۔ فیصل آباد اور خضدارمیں 102 روپے اور سکھر میں چینی کی قیمت 100 روپے فی کلو ہے۔