قطری فضائیہ کے سربراہ کا ائر ہیڈ کوارٹرز اسلام آباد کا دورہ

اسلام آباد (آن لائن) اسٹاف میجر جنرل (پائلٹ) سالم حماد عقیل النابت، سربراہ قطر امیری فضائیہ نے اپنے وفد کے ہمراہ پیر کو ائر ہیڈ کوارٹرز اسلام آباد کا دورہ کیا۔ ان کی آمد پر پاک فضائیہ کے سربراہ، ائر چیف مارشل مجاہد انور خان نے معزز مہمان کا استقبال کیا‘ کمانڈر قطر امیری فضائیہ نے پاک فضائیہ کے سربراہ سے تفصیلی ملاقات کی اورباہمی دلچسپی کے امور پر تبادلہ خیال کیا۔