اسرائیل کی متعدد یہودی تناظیم نے متحدہ عرب امارات کے ولی عہد شہزادہ محمد بن زیاد کو خط لکھا ہے جس میں ان سے مطالبہ کیا گیا ہے کہ وہ مسجد اقصیٰ میں یہودی عبادات کے حق کو تسلیم کریں۔
قدس پریس کے مطابق اس خط پر ، جسے عبرانی نیوز ویب سائٹ مکور ریشون نے شائع کیا ہے ، پر متعدد یہودی تناظیم نے دستخط کیے ہیں جن میں مشرق وسطیٰ فورم اسرائیل بھی شامل ہے۔
خط کے مندرجات میں لکھا ہے کہ شاید اب وقت آگیا ہے کہ دونوں فریقوں کے اعتماد کو عملی شکل دی جائے۔ یہودیوں اور مسلمانوں کو ایک دوسرے کے حقوق اور آزادی کو پامال کیے بغیر ، ہم آہنگی اور رضامندی کے ساتھ مسجد اقصیٰ میں یہودیوں کو عبادت کرنے کی اجازت دی جائے۔
