فٹ بال کھیل کے نگران بین الاقوامی ادارے کے ایک اعلیٰ اہلکار نے کہا ہے کہ اگر روس اور قطر پر ورلڈ کپ کی میزبانی حاصل کرنے کے سلسلے میں رشوت دینے کا الزام ثابت ہو گیا تو وہ اِس اعزاز سے محروم ہو سکتے ہیں۔
یہ بات سوئٹزر لینڈ کے ایک اخبار کو فیفا کی آڈٹ اور کمپلائنس کمیٹی کے سربراہ ڈومینیکو اسکلا نے بتائی ہے۔
اسکالا نے کہا کہ ابھی تک اِس سلسلے میں قوی شواہد فراہم نہیں کیے گئے ہیں۔ یہ امر اہم ہے کہ فٹ بال کھیل کا نگران ادارہ اِس وقت کرپشن کی لپیٹ میں آیا ہوا ہے اور امریکی تفتیشی اداروں کی درخواست پر بعض ملکوں میں کم از کم 14 حاضر اور سابق سینیئر اہلکاروں کو حراست میں لیا جا چکا ہے۔
